【YAS 醒目旅行貼士】合家歡自由行「超必殺技」大公開

自由行 老人家 休息 輪椅 日本

自由行最開心就梗係「自由」,但當你同全家人去又唔跟團,呢兩個字引伸為「自」找麻煩「由」你發辦,仲要唔擔保屋企人十萬個滿意。YAS今次醒大家招「超必」,登登登凳——輪椅﹗外國地方大,老人家行幾步就扭計返酒店,一張輪椅簡直係殺手鐧!

喺日本好多大型商場或Outlet都有得借用輪椅,通常會放喺近出入口位置,又或者係客戶服務處,而大多數係免費提供,部份會係投幣式支付按金解鎖,交還時會自動退錢。不過要注意輪椅數量唔多,有時都要等候一下……你擔心老人家尷尬唔肯坐﹖試下俾張outlet floor plan佢睇再耐心同佢傾下啦﹗

輪椅 日本 老人家 長輩
假如你有私家輪椅隨行,因應唔同航空公司安排,可以喺買機票時作備註,或者致電指明要特別服務安排。一般嚟講,大部份航空公司托運輪椅都係免費嘅,而電動輪椅就有限制重量,長闊高同電池容量,詳情一定要係出發之前致電航空公司問清楚。

信我,行少幾步,令長輩舒適啲,旅途都愉快啲。