Buscation 遊巴士河|4 條長途巴士靚景路線:青山公路睇日落、俯瞰淺水灣!

【遊巴士河】4 條巴士靚景路線:青山公路睇日落、俯瞰淺水灣

Staycation 就去得多,Buscation 又點睇?香港有不少巴士路線沿途都有不錯靚景,上山下海(邊)通通都有,而且車程絕不短過由香港飛台灣,想一覽香港隱世地點,遊巴士河 Buscation 最好不過!YAS 為大家整理 4 條香港長途巴士路線,認識香港不為人知的一面!

香港 Buscation
4 條靚景長途巴士路線

1. 青山公路迷人日落:53

由九巴營運的 53 號路線,全程 $11.4,堪稱坐到腳軟路線,由元朗形點出發,終點站為荃灣(如心廣場)。雖然西鐵由元朗站搭到荃灣西不過是 15 分鐘,但這條長途巴士路線,足足要坐足 105 分鐘(官方),由於經青山公路出荃灣,因此有大半段時間都位於海邊,亦會有不少時間經過元朗的圍村,沿途較少市區景色,尤其黃昏時間行經青山公路可以睇足全程日落,有時間不妨一戰!

2. 途經香港最高巴士站:51

51 號路線平時較少聽到,但屬於香港唯一行走荃錦公路的巴士路線,由九巴營運,全程行車時間約 55 分鐘,收費 $9.4。51 號路線以單層巴士行駛,由於沿途會經過大帽山以至川龍,亦會經過全港最高巴士站「大帽山郊野公園」,大部份時間都位於樹林之中,感受郊區的氛圍!由荃灣(如心廣場)出發,終點站為上村,不過班次疏落,乘搭前一定要先睇時間表!

圖片來源:www.buscess.com

3. 11 條香港特色公屋村:2A

九巴最近又推出另一條市區 Buscation 路線,全程會經過一共 11 條屋村,此路線你未必由頭坐到尾,因為中途已經有不少景點值得你落車影相!沿途會經過以下景點:樂華南、彩虹邨、李鄭屋邨、啟業主場等,車程約 69 分鐘,收費為 $6.2。2A 路線全程都位於市區,想認識更多香港的郊區就未必適合你搭。

4. 浪漫巴士路線:6

赤柱本來就是不少情侶拍拖的好去處,而由中環出發的 6 號巴士一定是入赤柱的必乘路線之一,全程約 55 分鐘,由城巴營運,收費 $9.2。乘搭此路線,坐上層車頭會看到更多靚景!由於巴士會經過淺水灣道,坐在巴士上層可以俯瞰淺水灣美景,傍山而行,風景明媚,拍拖乘坐一流,去到赤柱仲可以慢慢逛!

圖片來源:電影服務統籌科

去得 Buscation 當然要坐得安心!YAS 與九巴合作推出的巴士乘客微保險 BUS RYDE 為持有九巴月票的你提供全程乘車保障,發生意外都唔使心慌慌。另外更有 HK$2,000 個人財物保障,遺失物品都有得保。